Nga Silvana Kola-Loka
Dashuria është liri për të qenë vetja.
Dashuria është falje.
Dashuria është sakrificë.
Dashuria është mister dhe aventurë.
Dashuria është durim.
Dashuria është dhembshuri.
Dashuria është përgjigja.
Dashuria është fëmija që përvidhet në krevatin tënd gjatë natës për ta qetësuar.
Dashuria është vetmohim.
Dashuria është e vërteta.
Dashuria është përulësi dhe dëshirë konstante për t’i shërbyer tjetrit.
Dashuria është të korrigjosh veten.
Dashuria është një fustan i kuq ose një shami që të fshin lotët.
Dashuria është punë e vazhdueshme.
Dashuria është i vetmi realitet; gjithçka tjetër është thjesht një iluzion.
Dashuria është një çokollatë në valixhen e udhëtimit dhe një çaj apo supë e ngrohtë.
Dashuria është forcë edhe pse t’i dredh gjunjët.
Dashuria është dedikim.
Dashuria është një njeri, një fëmijë, një kafshë, një vend, një histori dhe njeriu që shikon në pasqyrë.
Dashuria është çka jep; ajo çfarë merr në kthim është bonus.
Dashuria është nata pa gjumë derisa të sigurohesh që tjetri është mirë.
Dashuria është një mesazh “Të kam me vete!”.
Dashuria është e komplikuar e megjithatë, gjëja më e thjeshtë në botë.
Dashuria është shpirtgjerësi.
Dashuria është e mjaftueshme.
Dashuria është çelësi që hap çdo portë.
Dashuria është respekt.
Dashuria është të rritemi bashkë.
Dashuria është e kujdesshme.
Dashuria është të thuash “Faleminderit!”.
Dashuria është mungesa e xhelozisë.
Dashuria është mburojë.
Dashuria është shpresë.
Dashuria është të ndash një copë picë.
Dashuria është dhimbje.
Dashuria është mall.
Dashuria është mungesa e gjykimit sepse dashuria kupton.
Dashuria është gallatë.
Dashuria është shërim.
Dashuria është një letër e zhubravitur dhe e zverdhur nga koha por që ti e ruan me fanatizëm.
Dashuria është komunikim.
Dashuria është e pazhurmshme.
Dashuria është sinergji.
Dashuria është ajo që ikën e fundit.
Dashuria jam Unë.
Dashuria je Ti.
Paçim e dhënçim dashuri gjithë jetën miq!
Gjithçka tjetër është thjesht e përkohshme.
Vetëm ajo, dashuria, është e përjetshme.
Dashuria ka qenë aty përpara se ne të vinim në jetë!
Ajo do mbetet edhe kur ne të mos jemi më!
ObserverKult
Lexo edhe:
HISTORIA E DHIMBSHME QË FSHIHET PAS FESTËS SË SHËN VALENTINIT
