Çdo herë që mendojmë për Atlantidën, qytetin/kontinentin e humbur, mendojmë për Platonin, njeriun që përshkroi ekzistencën e tij në veprat e tij Critias dhe Timoteus.
Por a e kemi pyetur ndonjëherë veten se nga vjen historia origjinale e Atlantidës?
Platoni nuk e shpiku Atlantidën, siç beson shumëkush, por historia e ekzistencës së këtij qyteti/kontinenti mitik mund të gjurmohet në histori.
Për të kuptuar më shumë për Atlantidën, duhet të arrijmë dhe të mësojmë më shumë për Solonin, një shtetar shumë i respektuar dhe i mirënjohur grek, që jetonte mes 638 pes – 558 pes.
Soloni ishte një ligjvënës i njohur i Athinës dhe ai ishte i njohur për poezitë dhe shkrimet e tij.
Siç shpjegohet nga Platoni, Soloni udhëtoi në Egjiptin e lashtë për të mësuar më shumë për historinë e vendit të tij, dhe për të kërkuar rrugë të mundshme tregtare ndërmjet Greqisë dhe Egjiptit.
Besohet se në një tregim të lashtë, Soloni shkroi për kontinentin mitik të Atlantidës, një perandori e pakapshme që ka tërhequr shumë interesin dhe imagjinatën e historianëve, arkeologëve, aventurierëve, filozofëve dhe të tjerëve për më shumë se dy mijë vjet.
Pra, kush shkroi i pari për Atlantidën?
E pra, nga ajo që jemi në gjendje të kuptojmë, ishte një prift egjiptian i quajtur Sonchis, Sonchis i Saisis – Sais ishte një qytet i lashtë egjiptian në deltën e Nilit perëndimor.
Soloni, pas udhëtimeve të tij në Egjipt, u takua me Sonchisin, i cili i rrëfeu për një qytetërim të madh të lashtë, që ishte zhdukur nga Toka 9.000 vjet më parë. Ndër shumë gjëra të tjera, besohet se Sonchis i tregoi Solonit për një seri perandorish të lashta që ekzistonin në Tokë, si dhe katastrofat natyrore që i shembën ato, apo edhe luftëra e mëdha që kishin shkretuar qytetërimin në të kaluarën.
Gjatë kohës së qëndrimit të tij në qytetin e Sais, Soloni mori shumë informacion rreth Atlantidës nga Sonchis, i cili përshkroi madhësinë e pabesueshme dhe pasurinë e perandorisë së Atlantidës.
Sonchis shpjegoi se kryeqyteti i Atlantidës ishte ndërtuar në mënyrë të mirëmenduar, ku u ndërtuan tempuj dhe pallate të mëdha, të stolisur me kopshte ekzotike të bëra prej argjendi, ari dhe fildishi. Sonchis më tej përshkroi kryeqytetin e perandorisë, të bërë nga muret të mëdha, të cilat ishin rrethuar nga ishuj që mbronin kështjellën e brendshme të metropolit./Bota.al
