“Sopranoja e metros”, gruaja e pastrehë që mahniti botën me zërin e saj, performon në koncertin e parë (Video)

Fat në fatëkeqësi. Kështu mund të përshkruahet historia e javëve të fundit të Emily Zamourka. Nga një e pastrehë me jetë të rëndë, që për të ngushëlluar veten ia thotë këngës në një metro, tashmë është shndërruar në shembull suksesi, duke kënduar në “Historic Little Italy” në San Pedro dhe duke lidhur marrëveshje me një producent të famshëm për të ardhmen e saj muzikore.

Si filloi gjithë historia

Një grua e mistershme e Los Anxhelesit me një zë engjëlli duke kënduar në metro. Kështu u karakterizua gruaja që preku zemrat e mijëra personave, pas publikimit të videos ku dëgjohet vokali i saj befasues, nga Departamenti i Policisë në Los Angeles në Twitter.

“4 milionë njerëz e quajnë LA shtëpi. 4 milionë histori. 4 milionë zëra … ndonjëherë duhet të ndalesh dhe të dëgjosh një, të dëgjosh diçka të bukur”, ishte mbishkrimi i videos së publikuar.

Gruaja me bishtaleca po tërhiqte një qerre të madhe dhe mban tre qese në duar, ndërsa këndonte “Puccini aria”. Video u xhirua nga një oficer policie që punonte në stacionin Wilshire dhe Normandie Purple Line.

Të dy patën një takim rastësor para se gruaja të fillonte të këndonte ëmbël.

Zëdhënësi i Metro, Jose Ubaldo ka thënë se nuk e kanë takuar kurrë këngëtaren sekrete më parë.

Ndërsa, identiteti i gruas nuk ishte zbuluar ende, banorët e Los Anxhelosit në Twitter vërshuan në komentet në lidhje me takimet e tyre me kantautorin.

Në komentet e postimeve në Twitter, përdoruesit kanë etiketuar shfaqje televizive si ‘The Ellen Show’, ‘America’s Got Talent’ dhe madje ekzekutivi i A&R Simone Cowell. Postimi origjinal për pak kohë mori më shumë se 154,000 shikime, transmeton ObserverKult.

Zbulimi i identitetit

Por nuk shkoi shumë ditë dhe u zbulua identiteti i saj. Emily Zamourka quhej e pastreha që dhuroi performancën e jashtëzakonshme në metron e Los Angeles.

Asaj iu është ofruar një kontratë për regjistrim muzike nga producenti Joel Diamond. I nominuari për Grammy shprehu dëshirën e tij që Emily t’i bashkohet skuadrës së tij dhe të prodhojë muzikë.

Diamond tha se kënga e parë  që do të publikojnë do të quhet “Parajsë” dhe do të prodhohet nga shtëpia diskografike Silver Blue Records, që ai e ka themeluar në vitin 1973.

Si mbeti e pastrehë Zamourka?

Zamourka u bë e pastrehë pas një fatkeqësie që i ndodhi. Ajo u zhvendos në SHBA më shumë dekada më parë dhe ka marrë mësime për violinë dhe piano, por ishte sëmurë dhe ka mbetur pa shtëpi pasi nuk mund të përballonte kujdesin shëndetësor.

“Nuk doja të isha barrë për askënd,”, tha gruaja për ABC 7.

Së bashku me marrëveshjen, dy fushata GoFund kanë mbledhur mijëra dollarë për Zamourka, njëra 52 mijë dollarë dhe tjetra 32 mijë dollarë.

Zamourka performon në koncert

Zamoyrka ka dhënë performancën e saj të parë në koncertin e “Historic Little Italy” në San Pedro.
52-vjeçarja me origjinë ruse këndoi vetëm një këngë, atë që e bëri të famshme në stacionin e metrosë.
Pas performancës ajo falënderoi turmën dhe ngriti vëmendjen për krizën e të pastrehëve në Kaliforni. / ObserverKult