Statuja e Greta Thunberg në universitet shkakton zemërim te britanikët

Një statujë në bronz dedikuar aktivistes, Greta Thunberg, brenda universitetit britanik Winchester, ka shkaktuar zemërimin e studentëve të cilët e konsiderojnë si një shpërdorim parash.

Protestat shpërthyen pasi u bë e ditur se sa kishte kushtuar kjo vepër: 24 mijë paund.
Universiteti në jug të vendit, mbrojti këtë zgjedhje duke thënë se Greta Thunberg është një frymëzuese. Dhe një simbol i impenjimit të vazhdueshëm të universitetit në tema si drejtësia sociale.

Statuja është modeli i parë me përmasa natyrale të aktivistes suedeze. E cila u vu në qendër të vëmendjes për përpjekjet e saj për sensibilizimin e opinionit publik për pasojat e ndryshimeve klimatike.

Përfaqësuesit e studentëve u shprehën se admirojnë Gretën dhe betejat e saj por nuk mund ta pranojnë këtë iniciativë. Ata kërkojnë që e njëjta shumë e shpenzuar për statujën të përdoret për të financuar shërbimet shtesë. Dhe mbështetëse për jetën brenda kampusit.

Sipas të rinjve, viti i fundit i karakterizuar nga pandemia ka shkaktuar shumë humbje në personel. Reduktim fondesh për bibliotekën si dhe kufizime të tjera. Përveç kësaj studentëve nuk iu është kthyer pagesa e bërë dhe pse nuk kanë qenë prej një viti në auditore.

Universiteti i Winchester tha se skulptura ishte porositur në vitin 2019 dhe ishte parashikuar të vendosej në West Downs Center./gazetadita.al

LEXO EDHE: Statuja e Unitetit, statuja më e lartë në botë