E adhuroj stinën e vjeshtës
Bukurinë e saj
Dhe gjethet kur bien nga pemët
Si të zëna në faj
Sa më pëlqen ky plazh i braktisur
I cili më ngjan si varkë e vetmuar
Mes dallgësh shkon tek limani i saj
Sa e dua koloritin e saj
Kur pikat e shiut mbi xhama
Trokasin ngadalë
Në qiell shikoj një fjongo të bardhë
Që era e lehtë, e lehtë
Nga flokët sot një vajze ja ka marrë
Mendimet e mia shkojnë drejt saj
Në këtë largësi ku perendojnë dhe zogjtë shtegtarë
Sa e dua koloritin e saj
Kur pikat e shiut mbi xhama
Trokasin ngadalë.