Ndoshta shumë pak kush e di, por piktori i njohur shqiptar, Ismail Lulani ka mbaruar studimet për mjekësi. Fillimisht ai ka punuar për disa vite si ndihmës mjekë në disa nga fshatrat më të thella të Shqipërisë.
Më pas, hoqi dorë nga bluza e bardhë dhe zgjodhi të ndiqte studimet për pikturë.
Këtë e ka zbuluar vajza e tij, Ormira Lulani gjatë rrëfimit të saj në emisionin “Pas Mesnate” në ABC News, 21 vite pas vdekjes së të atit.
Ajo ka ndarë detaje nga ky moment i rëndësishëm në jetën e babait, të cilën ai vetë ia ka rrëfyer.
“Me një kushërirën time, shkuam për t’u regjistruar dhe kishim me vete 2 portrete, njëri thotë ishte i Enver Hoxhës dhe tjetri i Titos sepse ashtu ka qenë koha atëherë. Shkova me ata të dy dhe më thotë sekretari: ‘Shumë bukur i ke, po ne nuk kemi vende që ti të studiosh për arte, por kemi për mjekësi’.
Edhe kushërira e tij i kishte thënë shumë mirë, le të regjistrohet aty dhe kështu hyri në mjekësi. Ndoshta pa dëshirën e tij.
Studioi për mjekësi, mbaroi për mjekësi dhe pastaj punoj si ndihmës mjek, në disa fshatra të thella të Shqipërisë.
Pastaj, vendosi ta linte mjekësinë dhe të konkuronte. Siç thoshte edhe ai vetë: ‘Isha në moshë të rritur dhe të gjithë të tjerët më shikonin dhe më thoshin aman ku do fitoi ky.
Ky është vetëmësuar, nuk ka një shkollim, ne kemi provuar shumë më shumë’.
Por ja ku jemi. Për ta lënë menjanë modestinë, por Lulani është një ndër artistët më të kërkuar nga koleksionistët”, tregoi Ormira e emocionuar./abcnews.al
ObserverKult
Lexo edhe:
“BABAI E PARANDJEU VDEKJEN”, E BIJA E ISMAIL LULANIT ZBULON DHURATËN E FUNDIT QË I BËRI I ATI
Vajza e piktorit të njohur, Ismail Lulanit, Ormira ka deklaruar në emisionin “Pas Mesnate” në ABC News, se babai e parandjeu vdekjen, ndonëse për ta ishte në mënyrë krejt të papritur.
Ajo kujton me shumë nostalgji dhuratën e fundit që ka marrë nga ai, një portret për ditëlindje.
Sakaq, Ormira thekson se te portreti, ai kishte shkruar edhe emrin e saj, të vëllait dhe nipit.
“Portreti është dhurata e fundit që më ka bërë, ma ka dhënë dhuratë për ditëlindje.
Më 12 shtator kur ka qenë ditëlindja ime dhe është një ndër tablot dhe punimet më të bukura që më ka lënë. Kjo për faktin se ndoshta ishte i fundit.
Tekstin e plotë mund ta lexoni KËTU:
ObserverKult
