Festivali më i madh i muzikës në Kosovë dhe rajon, Sunny Hill Festival që në edicionin e parë të tij i ka tejkaluar të gjitha pritjet dhe kufijtë rajonal të përfaqësimit. Sunny Hill Festival, si festivali më i ri në shtetin më të ri evropian ka bërë bujë të madhe ndërkombëtare. Që në edicionin e parë të tij, Sunny Hill Festival ka marrë ballinat e mediave më të mëdha botërore, duke përfshirë The New York Times, The Guardian, Vogue, MTV, Fader, NME, e shumë media tjera me ndikim tek audiencat
Megjithatë, përfaqësimi që festivali po ia bën vendit tonë nuk është ndaluar vetëm me mbulueshmërinë në mediat ndërkombëtare. Kjo, pasiqë festivali po prezanton Kosovën në shumë ngjarje dhe konferenca të mëdha të muzikës botërore, transmeton rtklive.com.
Në mars të këtij viti, Sunny Hill Festival u prezentua nga themeluesi i festivalit Dukagjin Lipa së bashku me yllin ndërkombëtar, Dua Lipën në njërën prej konferencave më të mëdha botërore ILMC (International Live Music Conference) në Londër https://bit.ly/2CqjLu4.
Kësaj radhe, Dukagjin Lipa, themeluesi dhe drejtor i “Sunny Hill Festival”, poashtu themelues dhe drejtor ekzekutiv i agjencisë së marketingut Republika Communications, do të jetë i ftuar special në konferencën dhe festivalin e madh të muzikës – Novuelle Prague, në Pragë të Çekisë: https://nouvelleprague.com/panelists-2019/dukagjin-lipa-uk-kv/
Për më shumë, ky organizim ka për qëllim të krijojë një hapësirë për muzikën e mirëfilltë alternative, pasi që sipas tyre, talenti shpesh nuk vie ne pah nga grupet e interesit në epokën dixhitale dhe të konsumimit të shpejtë.
