Estrada e humorit në Fier festoi ditëlindjen e 64-të. Regjisori Klajdi Marku rrëfen ecurinë artistike të këtij institucioni nga fillesat, si Estradë e Humorit deri në ditët e sotme, ku në këtë institucion luajnë artistë me emër.
5 Maji i vitit 1957 do të shënonte themelimin e Estradës Profesioniste të Fierit, që sot mban emrin Teatri “Bylis”. Falë kontributit të regjisorit Llazar Verria dhe 15 artistëve, që themeluan dhe hodhën bazat e artit në Fier, sot pas 64 vitesh ky institucion ka një trup teatrore të konsoliduar.
“Ishim në rreshtat e parë të humorit shqiptar dhe kur publiku e priste me mall kur jepeshin atëherë materialet për Vitin e Ri. Edhe pas viteve ’90 ne u përpoqëm dhe ja dolëm ta mbanim estradën edhe në kushtet shumë të vështira siç erdhi jeta në Shqipëri sidomos për artin dhe kulturën”, tha regjisori Klajdi Marku.
Marku rrëfen skeçet, shfaqjet edhe rolet që kanë interpretuar artistët fierakë, e që përmes “Çobo Rrapushi me shokë”, “A doni më për Belulin’’, “Do martojmë Malon” kanë mbetur gjatë në kujtesën e publikut.
“Personalitetet e estradës, kemi artistët e popullit, Pëllumbi si regjjisor, si Luftar Paja, artistet e merituar, si Todi Llupi, Arqile Lipe, Fuat Boçi një aktor brilant. Më vonë kësaj trupe ju bashkua një mjeshtër i humorit Fatmir Xhelili i cili nuk jeton më”, tha ai.
Pas rikonstruksionit që prej dy vitesh vazhdon t’i nënshtrohet, Teatri Bylis do të hap dyert për spektatorët./shqiptarja.com
