Tabloidi britanik “The Sun” në një artikull të saj i bën jehonë bukurisë së rivierës shqiptare.
“The Sun” shkruan se riviera shqiptare është destinacioni që iu duhet pushuesve këtë verë.
“Vija bregdetare, e quajtur ‘Riviera Shqiptare’, është vetëm disa orë larg nga Britania e Madhe. Muajt e verës janë koha më e mirë për t’u vizituar, ku nga maji deri në shtator është moti më i ngrohtë, me temperatura maksimale 28 gradë celsius.
Rezervimet për në Shqipëri janë rritur 96% krahasuar me 2019, sipas Skyscanner, dhe kjo pritet të vazhdojë të rritet. Është gjithashtu super lirë kur jeni atje, një gotë verë do të ju kushtojë 1.70 paund.
Jo shumë prej operatorëve turistikë në Mbretërinë e Bashkuar ofrojnë paketa pushimesh për shkak se është ende një destinacion i panjohur për britanikët. Megjithatë, fluturimet direkte me Wizz Air janë të lira, duke filluar nga vetëm 55 paund. Dhomat mund të gjenden për më pak se 20 paund/nata.
Për shembull, një qëndrim në disa apartamente në Dhërmi fillon nga vetëm 18 paund, ndërsa çmimet e ngjashme të apartamenteve janë rreth 20 paund në Ksamil. Nëse dëshironi hotele, edhe ato janë mjaft të lira në krahasim me destinacionet e tjera të plazhit. Ju mund të gjeni hotele me 5 yje për vetëm 59 paund në natë.
Si është riviera shqiptare?
Shumica e plazheve shqiptare janë të gjera dhe me rërë, kështu që ju duhet të zgjidhni se ku të shkoni. Dhërmiu është një nga plazhet më të mëdhenj dhe më të famshëm. Ndërsa në pjesën jugore është Ksamili, që ka 3 ishuj të vegjël ku njerëzit notojnë ose marrin varkën për të qenë më të qetë.
Rajoni po fiton popullaritet pasi u quajt ‘Maldivet e Evropës’ falë disa prej dhomave të hoteleve mbi ujë. Ndërsa shumë plazhe janë në pronësi private, shumica e shezlloneve dhe çadrave kushtojnë vetëm disa euro për tërë ditën.
Çfarë tjetër duhet të di për rivierën shqiptare?
Gjuha kryesore është shqipja dhe ndërsa vendasit më të rinj mund të dinë anglisht, popullsia e moshuar ka më pak gjasa të dijë rreth gjuhës së huaj angleze. Disa vendas do të njohin gjithashtu greqisht dhe italisht për shkak të afërsisë me të dy vendet.
Monedha vendase është lekë shqiptare, por euro pranohet në shumicën e vendeve si hotele dhe restorante. Aktualisht nuk ka kufizime për Covid-in dhe britanikët mund të qëndrojnë në Rivierën Shqiptare deri në 90 ditë brenda një periudhe gjashtëmujore pa vizë”, shkruan “The Sun”./gazetadita
ObserverKult
Lexo edhe:
BBC NDALET NË GJIROKASTËR: “NJË XHEVAHIR JO VETËM I SHQIPËRISË, POR I TË GJITHË BOTËS…”
Gjirokastra ishte destinacioni i radhës i gazetares së gjigandit britanik BBC, Betani Hjuxhs, autore e ciklit të dokumentarëve të titulluar “Mrekullitë e Shqipërisë”.
Hjuxhs nëpërmjet këtyre dokumentarëve po promovon bukuritë pak të njohura të Shqipërisë për turistët e huaj.
Tekstin e plotë mund ta lexoni KËTU:
ObserverKult
