Tmerr, turp i madh… mashtrim i madh i produksionit të Big Brother me njerëzit e shkretë

Nga Hervin Çuli                                       

Tmerr! Turp i madh! Mashtrim i madh i produksionit të BB me njerëzit e shkretë!

Votat janë me pagesë por kalkulimin e bëjnë ata që llogarisin klikimet. Janë ata që fusin e nxjerrin si bagëti lojtarët e këtij eksperimenti vulgar.

Dhe nuk eksperimentohet vetëm me kaviet e shtëpisë por edhe me publikun që beson si i verbër në ndershmërinë e kësaj loje makabre.

“A nuk i vrasin edhe kuajt kështu”- ka qenë një film i famshëm me Jane Fonda, ku  çmimin e fitonte ai që i rezistonte një kërcimi cfilitës pa limit.

Kështu m’u duk ca ditë më parë një test rezistence ku banorët duhet të rrinin lidhur pas një butoni dhe nuk u lejohej as të kryenin nevojat personale.

Ndërkohë populli vazhdon e shijon eksperimentin dhe merr pjesë me pasion në një votim të zjarrtë, votim me sms me pagesë.

Të ardhurat e organizatorëve nuk kanë limit. Ndërkohë, askush nuk e kupton pse nuk nxirren përqindjet e votimit si në gjithë botën!!!

Të paktën, këtij eksperimenti naz iskin me ngjyra erotike, t’i krijonin minimumin e transparencës.

Por kjo s’mund të ndodhë, do kompromentonte llogaritë e tyre. Të gjithë ata që votojnë mashtrohen hapur.

Nejse, ndofta në një vend që ka 30 vjet që vidhen votat sa andej këndej, që vidhet shteti çdo ditë, kjo e BB tingëllon thjeshtë si një shaka. Mirë e bëjnë që ja luajnë fenë!

Mirë thonë tironsit: -“mos u ngopshi kurrë”! Jetë të gjatë BB!

ObserverKult

Hervin Çuli

Lexo edhe:

“AI DREJTOR QELBËSIRË NUK MË OFROI PUNË NË TEATËR”, HERVIN ÇULI I PËRGJIGJET BUJAR ASQERIUT

Regjisori Hervin Çuli i është përgjigjur aktorit Bujar Asqeriu që e akuzonte pak ditë më parë se nuk i kishte dhënë shfaqje për shkak të qëndrimeve të tij kundër prishjes së Teatrit Kombëtar.

Duke folur në një intervistë për News 24, Çuli tha se rolet i ndajnë regjisorët dhe jo ai kur ka qenë Drejtor i Teatrit.

Ai tha se nuk ka sot asnjë regjisor që të thotë se ka marrë urdhër nga Drejtori për të mos i dhënë rol një aktori.

Çuli komentoi gjithashtu edhe një shkrim të dy ditëve më parë lidhur me formatin e Big Brother VIP.

Sipas tij organizatorët duhet të fusin elementë edukativ për të mos e banalizuar pjesëmarrjen në të të disa aktorëve me emër.

Tekstin e plotë mund ta lexoni KËTU:

ObserverKult