‘Treni niset drejt qiellit’, filmi që bëri “bashkë” Irene Papas dhe Piro Milkanin

Regjisori Piro Milkani ka interpretuar në krah të aktores me origjinë shqiptare Irene Papas, në një film.

Në emisionin Sot në Euronews Albania regjisori i njohur, kohë më parë, kujtoi se si e kishte fituar rolin në krah të aktores me origjinë shqiptare.

“Regjisori i filmit L’America vendosi të më marrë në rol dhe u bëra partner i Mikele Plaçido.

28 vjet më parë ishim të ftuar në festivalin e Venecias, në ‘97 ndodhesha në festivalin ndërkombëtar të filmit në Selanik dhe aty njoha regjisorin Bernardo Bertoluçi dhe një regjisor qipriot.

Pas 6 muajsh më vjen propozimi të luaj një rol në filmin e tij, ‘Treni niset drejt qiellit’. Në film luaj rolin e një dirigjenti rus në kohën e Sta linit. Nuk e dija që luante Irene Pappas, ai më tha që ti do jesh partneri i Papas. Ka ndodhur në pranverë të ‘98 dhe pas 4 muajsh u emërova ambasador në Çeki dhe e harrova këtë histori.

Kur më vjen telefonata se duhet të kthehesha në Qipro të vazhdoja xhirimet. Aty mësova të pabesueshmen se Papas e kishte xhiruar pjesën e vet dhe unë duhet të xhiroja timen ndaj nuk munda ta takoja”, kujton regjisori.


Lexo edhe:

IRENA PAPAS: JAM SHQIPTARE, ESMERE SI NËNA