“Varrin e kam gati… do varrosem afër babait”

ben blushi lako dren zotin
Ben Blushi

Nga; Ben Blushi

Shkova në Laç. Nga aty në Zheje. Takova një burrë. Me tre dhi.
Si je, i thashë
A je ku je mërzit?
Jo nuk jam mërzit, i thashë
Ç’a bën këtu, më pyeti
Dua të të bëj një fotografi,
Mirë ma bëj
Si quhesh,e pyeta
Martin Rika
Sa vjeç je?
80 vjeç
Ke ndonjë sëmundje?
Prostatë, tha Martini
Paske vuajtur, thashë
Me tuba me qese
Më vjen keq, i thashë

Tani jam mirë, i hoqa veglat
Po si ja bën, e pyeta
Kam mbaru punë, shtatë fëmijë i kam bërë
Po gruaja sa vjeç është?
11 vjet më e vogël
I ke martuar fëmijët?
Gjashtë vajzave ju kam gjetur burrë
E pranuan?
Çfarë të duash ti baba, më thanë
Si është ky fshat?

Këtu është Albulena, ku ka luftuar Skënderbeu
Ou, nuk e dija, thashë unë
Janë vrarë 400 vetë, tha Martini
Shqiptarë apo turq?
Nuk e di ca ishin, po aty ku u vranë del uji si kos
Si mund të jetë uji kos, e pyeta
Shtatë herë në ditë e ndryshon ai ujë ngjyrën
Po përveç kosit cfarë ngjyre tjetër merr?
I kuq si verë, i bardhë si kos, gurkali, jeshil dhe i verdhë
Qenka vend i çuditshëm Zheja, thashë unë
E ka bekue Perëndia, tha Martini
A ka probleme këtu?

Nëse dikush krijon probleme e heqin qafe
Ça thua Martin?
Po pse me të prekë dikush vajzën patjetër e heq qafe
Si e heq qafe?
1 milion lekë duhen dhe mbaron ajo punë
Si quhet ajo dhija, e pyeta
A nuk e shef që është e bardhë, Bardha quhet
Përqafoje, thashë unë
A Martin Rika të raftë pika, tha Martin Rika
Pse të të bjerë pika, e pyeta

Më bëre të përqafoj një dhi, tha Martini
Ç’a të japin këto dhi, e pyeta
Qumësht që e bëj djathë dhije
Më pëlqen shumë djathi i dhisë, thashë unë
Hajde nga shtëpia pimë verë me djathë, tha Martini
Një herë tjetër, thashë unë
Një herë tjetër ndoshta kam vdekur, tha Martini
Pse e ke në plan të vdesësh shpejt, e pyeta

Varrin e kam gati, tha Martini
Ç’a thua, i thashë
Hajde ta tregoj, tha Martini
Shkuam
Ja varri i babait dhe i nënës
Po ky?

Ky i vëllait, ky i djalit të vëllait, ky i nuses së vëllait tjetër
Po ti ku do varrosesh?
Ja këtu ngjitur me babain
Bashkë me gruan?
Me mua në një varr do vijë
Ikim Martin, i thashë
Shkojmë pimë nje verë nga shtëpia, tha Martini
Një herë tjetër, thashë unë
Më erdhe në varr po jo në shtëpi, tha Martini
Këtu ishte më bukur, thashë unë.

*Titulli i origjinalit: “Martin Rika, i raftë pika”


Lexo edhe:

BEN BLUSHI: KJO ËSHTË HISTORIA E FSHATIT TË VEÇANTË TË SHQIPËRISË

ObserverKult