Në Lin të Pogradecit ka nisur faza e dytë e punës për zbulimin e vendbanimit “Palafit”, i cili ka ekzistuar 7500 vjet më parë.
Projekti që mban emrin “Lin 3” po zbatohet nga Instituti i Arkeologjisë Shqiptare në bashkëpunim me Universitetin e Bernës në Zvicër.
Sipas Ardian Anastasit, Drejtuesit Shkencor të punimeve, pas fazës së parë të zbulimit të vendbanimit në ujë, ka të dhëna të forta se ai shtrihej edhe bregun e liqenit.
“Fazën e parë e kemi kryer vitin që kaloi dhe ishim të fokusuar në tre sondazhe të cilat i bëmë nën ujë. Duke qenë se sipërfaqja e këtij vendbanimi është e madhe, vendosëm që si fazë të dytë të bënim disa verifikime. Ato kishin të bënin me perimetrin e këtij vendbanimi në pjesën e tokës”, u shpreh ai.
Mjaft të surprizuar, të kënaqur me bashkëpunimin dhe zbulimet paraqiten edhe zvicerianët. Martin Hinz tregon se puna ka pasur dhe do të ketë rezultatë edhe më të mira.
Rindërtimi i palafitit në një rreze prej 30 km.
“Bashkëpunimi jonë me kolegët shqiptarë është pjesë e një projekti europian të rëndësishëm, që ka të bejë me banesat e pilotëve në rrethinat e liqenit të Ohrit. Jemi shumë të kënaqur ndërsa punojmë me koleget shqiptarë. Gjithashtu duam të shkëmbejmë eksperiencat tona këtu.
Kemi një situatë shumë premtuese. Mendoj se mund të krahasojmë e të zgjerojmë rezultatet që kemi arritur më parë në pjesën maqedonase. Që prej 2 viteshe në këtë projekt, ne po gërmojmë nën ujë. Tani po përpiqemi të zbulojmë se si kjo që kemi në këtë zonë, ka vijuar të shtrihet drejt bregut të liqenit”, tha ai.
“Synojmë që të krijojmë një peisazh të vendbanimit si ka qenë dhe si është zhvilluar”, theksoi Anastasi.
Vendbanimi Palafit i Linit rezulton më i madhi në Ballkan dhe mbase edhe në Evropë. 7500 vjet më parë banorët zhvillonin bujqësinë, zejtarinë dhe peshkimin.
Ekziston edhe një palafit tjetër në palën maqedonase, por shumë herë më i vogël më sipërfaqe sesa ky i Linit./euronews.al
ObserverKult
Lexo edhe:
MOZAIKU I LINIT ME ZBUKURIME TË SHUMTA KU MBIZOTËROJNË SIMBOLET E KULTIT
