Vajzë e bukur, vajzë e dashuruar…poezi nga Xhevahir Spahiu
Bora e bardhë, e bardhë pas xhamave,
në kafe “Tirana” hyre,
ti e rralla si dëbora
që në Tirane bie.
Vajzë e bukur, si vajzë e dashuruar,
qofsh e dashuruar dhe prej meje,
prej syrit tënd
lulëzojnë dhe sendet.
Ekspresi gjallërohet
e gjithçka bëhet sy.
Në tavolinën e fundit
dy pleqve kafja po u ftohet.
Të shikojnë ty.
ObserverKult
Lexo edhe:
Shushuritja e leht’ e t’panjohtunit më treti fare
dhe agime t’kaltërta andrrova…
E nëpër kunorë lakmish për ‘limtare-
si lulja q’i jep qiellit lulzimin,
rinin ja dhurova.
Shkëlqyen yjet e qiellit si syt e tijë
të thellë dhe të ndritshëm
dhe u shafit nën te e kërthnezta fuqi…
-Sonte shushuritja e leht’e t’panjohtunit
më treti fare
dhe agimet e kaltërta andrrova.
ObserverKult
Lexo edhe:
ROZAFA SHPUZA: A E DIN, MALLI JEM…
A e din, malli jem,
se andrra zgjat sa kreshta e dallgës,
ngjizun prej orgazmës së reve mbi det,
asaj kreshtës që klith prore me za pulëbardhash,
hepohet si krahnoret me tatu lamtumirash
t’arrnueme trishtaz ndër pore
e në muzg shprazet brigjesh t’njelmëta
tue fashitë gjurmë ikacake dashnish jetëpaka…
A e din, malli jem?
ObserverKult
