Shqiptarët kanë një opus të gjerë me fjalë të urta, që në mënyrë ironike, kryesisht, sjellin përvojën jetësore, mendime e gjykime për ngjarje, dukuri e çështje të ndryshme.
Në vazhdim mund të lexoni disa fjalë të urta shqiptare që ObserverKult ka zgjedhur për ju e që kanë të bëjnë me atdheun:
-Atdheu e nana nuk harrohen. TROPOJË
-Ai që lë arën e vetë, nget arën e huaj. KORÇË
-Çdo komb t’i vërë vetes një vlere, atë i venë dhe të huajt. JUG
-Derë e botës s’është strehë e kokës. JUG
-Shqiptari vetin e jep e shokun s’e jep. KOSOVË
-Duaj at e duaj nënë, por më shumë duaj atdhenë. KORÇË
-Dy duar për një kokë, koka për atdhenë. KORÇË
-Gjuha ruhet atje ku shkruhet. KORÇË
-I ikuri dhe i vdekuri s’kanë hatër. JUG
-Kur të jesh në dhe të huaj, dita të bëhet një muaj. KOSOVË
-Kush ka vdekë për atdhe, nuk ka vdekë por ka le. SHKODËR
-Shqiponja fluturon në qiell, po folenë e bën në tokë. LABËRI
-Nji zogu që i prishet foleja hidhet degë më degë. MAT
-Shqiptari me armë e shokë, s’i lutet kurkujt mbi tokë. KOSOVË
-Mbroje atdhenë si shqiponja folenë. SHKODËR
-Shqiptari vritet por pushkën nuk e hedh. JUG
-Fjala në vend të huej, bahet gur. VERI
-Gjuha dhe njerëzit janë tapia e vendit. JUG
-Shqipëria është e vogël, po shqiptarët janë shpirtmëdhenj. JUG
-Toskë e gegë, pemë nga një degë. GJIROKASTËR
E përgatiti: A.S./ ObserverKult
——————-
Lexo edhe:
RRËFIMI I POETIT FREDERIK RRESHPJA PËR PRISHTINËN
