due t’rrnoj veç ty me t’dasht
njashtu qysh ka thanun i Madhi Zot
qi t’rrnojmë mirë e keq
bashkë
e t’ia niej flladin prandver’s
edhe kur djelli yt qi t’i picrron sytë
len majet mali
e t’pi ver’s ujakullin qi t’pikë në lule t’ballit
bunue nga damarët e zemrës t’gurit
kullue shpatijevet t’Bjeshk’vet t’Nemuna bukurijet
e t’thithi n’mjes ajrin e lagësht vjeshtet
përzie me avujt e simetevet
gatue nga duerbardha e duvakut
e t’shtrihem në kokërr t’shpinës
e t’knaqem tue këqyr
qysh digjet dashnijet yllsia
në netët e tua dimnore
e për ty t’ia them vajit e gazit
se shtat e shpirt m’i ke zaptue
në t’tana stinët
t’due
edhe kur krismë duhet t’bahem për ty
edhe kur për çdo ditë më vret
edhe kur n’vend t’qjellës
me qefin më mlon
njejtë t’due njejtë
po ma shumë e ma fort kam me t’dasht
nji dite tjetër
njasaj dite kur kemi me t’bamun
njashtu qysh t’ka krijue i Madhi Zot
Shqipni
ObserverKult
Lexo edhe:
HIL MOSI: UNË JAM NJI BIR SHQIPTARI E SHQIPNINË E DUE…
Unë jam nji bir shqiptari
e Shqipninë e due.
Kujdes na la i pari
m’e dashtë e m’e nderue.
Se ne atë e kemi nanë,
prandaj s’do lodhem kurr’ tue thanë:
Un’ jam nji bir shqiptari
e Shqipninë e due.
Poezinë e plotë e gjeni KETU
ObserverKult
