Nëse të ka marrë malli për lulet
Për ëndrrat dhe për shiun
Kthehu
Por ec ngadalë me hapa të lehtë si flutur
Pa të parë askush
Deri në të dielën e verdhë
Mos u ndal të pushosh në hijen e vdekur
Se të zë mallkimi!
Në këtë rrugë mizore, të pa krye
Secili ka humbur diçka të bukur,
Diçka të shpirtit
Në dritën e hënës jemi thinjur
Të rinj
Duke e pritur verën e vonë,
Filxhani me kafe ka ngelur gjysmë i zbrazur
Sikur të ishte për herë të fundit
