I pari arkeolog shqiptar ishte At Shtjefën Gjeçovi i cili një periudhë të gjatë të punës së tij si arkeolog e kaloi në Laç të Kurbinit. Por kjo nuk ishte e gjitha. Madje kjo ishte një pjesë e vogël e punës së tij shumëvjeçare e cila e ktheu atë në një ndër njerëzit që lëvizi më shumë nëpër Shqipëri në kërkim të objekteve antike.
Në librin “Françeskanët e Mëdhaj” At Zef Pllumi tregon diçka shumë interesante në lidhje me atin e madh, Shtjefën Gjeçovi i cili nuk mbante një ditar si të gjithë studiuesit e tjerë. “Ditari” i tij ishte një objekt i cili tani ruhet në Muzeun e Shkodrës:
Shifeni këtë relike të Gjeçovit që sot ruhet në Muzeun e Shkodrës. Asht shkopi që e shoqnoi gjithkund. E ka gdhendun ai vetë në dru bushi. Shifeni me kujdes se si ndër zgavrat e gdhenduna ai ka shkrue për të gjitha vendet radhazi, ku i shkeli kamba. Mund të thuhet pa dyshim që kurrnji udhëtar i shkencës nuk e përshkoi mbarë Shqipninë që nga Veriu deri në Jug ma shumë se ai.
ObserverKult
Lexo edhe:
AT ZEF PLLUMI: KURBANET E NJERZVE NUK PATËN KURR’ TË SOSUN GJATË KOHËS SË TIRANISË
Ndërsa vitet kalonin na i ngrysnim ditët tona në burg.
Monotoni e mërzitje e pambarueshme. Pleqnia bjen me vedi edhe shumë sëmundje, jo që mâ ajo vetë asht sëmundja mâ e keqe e e pashërueshme. Thonë se i mbytuni kapet për shkumën e valëve të detit. Pritnim se ç’po ndodhë. Pritje kot…
Tekstin e plotë e gjeni KËTU
