Këto foto që janë publikuar kohë më parë nga historiani dhe studiuesi, Armand Plaka, tregojnë kufirin shqiptaro-jugosllav, pak ditë para sulmit gjerman mbi Jugosllavinë në pranverën e vitit 1941. Gjatë Luftës së Dytë Botërore, ushtria gjermane ndërhyri në një lëvizje të koordinuar dhe të beftë më 6 prill 1941 në territorin e ish-Mbretërisë Jugosllave dhe në atë të ish-Mbretërisë së Greqisë, duke i pushtuar brenda një kohe shumë të shkurtër të dyja vendet.
Pas katastrofës italiane në sulmin ndaj Greqisë, ndërhyrja e trupave të Vehrmahtit shihej si vendimtare dhe në këtë sulm ajo u mbështet edhe nga aleatët e saj, Italia dhe Bullgaria. Trupat jugosllave kapitulluan më 17 prill, ndërsa ato greke pak ditë më vonë, më 23 prill 1941. Interesant është fakti se trupat italiane në veri të Shqipërisë, nuk u angazhuan direkt në sulmin ndaj Jugosllavisë dhe arritën ta kalonin më pas vijën e kufirit të pa shqetësuar pasi Jugosllavia e saj kohe kishte kapitulluar.
