Pandemisë Covid-19 nuk i shpëton as teatri me famë botërore, “La Scala” i Milanos.
Teatri 243-vjeçar është kthyer në një vatër e vogël infektimi. Pasi 35 balerinë e 3 drejtues së trupës së kërcimit kanë rezultuar pozitiv me koronavirus.
Ka qenë drejtoria e këtij institucioni e cila ka informuar me një notë zyrtare këtë fakt.
Rasti i parë i infektimit nga Covid 19 në “La Scala” të Milanos u verifikua më 26 shkurt. E pas testimeve të kryera gjatë ditëve të fundit është verifikuar kjo vatër e vogël infektimi.
Trupa e baletit të teatrit të Milanos po punonin për të sjellë në skenë pjesën “Homash për Nureyev”. I cili ishte parashikuar të transmetohet në live streaming në portalin zyrtar të “La Scala”.
Teatri i Milanos ka informuar se po punon të krijoj një rrugë bashkëpunimi me spitalin Sacco të Milanos. Për të kryer verifikime më specifike. Mbi rrezikun e infektimit nga variante të ndryshme të virusit tek personat që kanë dalë pozitivë nga testimet.”/oranews
LEXO EDHE: COVID-19 IA MERR JETËN REGJISORIT TË NJOHUR, KUJTIM GJONAJ
