Nata më e madhe në kalendarin e sezonit të çmimeve, Oscars 2023 do të bashkojë emrat më të njohur të Hollivudit.
Nga nominimet e parashikuara deri te moda në tapetin e kuq, këtu është gjithçka që duhet të dini.
Kush është nominuar për Oscars në 2023?
Nominimet për ceremoninë e 95-të të Academy Awards do të shpallen më 24 janar 2023. Parashikohet të përfshihen në garë gjysmë-autobiografia e Steven Spielberg “The Fabelmans”, e fuqishmja “Women Talking” e Sarah Polley, komedia e zezë e Martin McDonagh “The Banshees of Inisherin”, hiti i Dan Kwan dhe Daniel Scheinert-it.
Tutje, “Everything Everywhere All At Once”, “Tar” i Todd Field , me protagoniste Cate Blanchett, “Elvis” i Baz Luhrmann, “Babylon” e Damien Chazelle dhe vazhdimet e suksesshme “Black Panther: Wakanda Forever” dhe “Top Gun: Maverick“.
Si është moda në Oscars?
Stili është sigurisht një pjesë e madhe e skenës në Oscar. Ka pasur një sërë momentesh të dukshme të modës gjatë gjithë historisë së tij. Në ceremoninë e vitit të kaluar, Zow Kravitz dukej mahnitëse me një fustan rozë Saint Laurent dhe taka Manolo Blahnik. Stili ta kujtonte Audrey Hepburn në vitet ’50.
Zendaya veshi një fustan të verdhë të prerë nga Valentino në 2021.
Një nga fustanet më të shquar në histori, megjithatë, shkon për Halle Berry, e cila, në vitin 2002, veshi një fustan pjesërisht të tejdukshëm, të qëndisur me lule nga Elie Saab. Ishte nata kur ajo u bë gruaja e parë afrikano-amerikane që fitoi një çmim Oscar për aktoren më të mirë.
Kur, ku dhe si do të zhvillohen Oscars 2023?
Ceremonia do të zhvillohet më 12 mars në vendin e zakonshëm të Teatrit Dolby në Hollywood. Do të drejtohet nga Jimmy Kimmel. Ai rikthehet për herë të tretë pasi ka drejtuar ceremoninë në 2017 dhe 2018.
Siç është bërë zakon, pritet që performancat të vijnë nga të nominuarit për këngën më të mirë origjinale (ceremonia e 2022-s kishte Beyoncé dhe Billie Eilish) .
Ndërsa presim që të zbulohen nominimet, ka spekulime shpresëdhënëse se në vitin 2023 mund të shohim Rihanna (me “Lift Me Up” nga “Black Panther: Wakanda Forever”), Lady Gaga (me “Hold My Hand” nga “Top Gun: Maverick”), Eilish dhe vëllai i saj, Finneas (me “Nobody Like U” nga “Turning Red“), dhe Taylor Swift (me “Carolina” nga “Where the Crawdads Sing”) në formacion.
Duke përmbysur një vendim që shkaktoi polemika në ngjarjen e vitit 2022, ku tetë kategori u shkëputën nga transmetimi kryesor, Bill Kramer, CEO i Akademisë së Arteve dhe Shkencave të Filmit, ka konfirmuar se të gjitha 23 kategoritë do të transmetohen në televizion. Ai tha për “Variety” se:
Ne jemi të përkushtuar që të kemi një shfaqje që feston artizanët, artet dhe shkencat dhe natyrën bashkëpunuese të krijimit të filmave.
Çfarë ndodhi në Oscar 2022?
Momenti përcaktues i Oscars 2022 ishte kur Will Smith goditi me shuplakë Chris Rock në skenë pasi komediani bëri një shaka për gruan e tij, Jada Pinkett Smith. Will Smith sidoqoftë arriti të fitonte çmimin për aktorin më të mirë. Ndërsa kjo ishte pika e diskutimit në hije nga ngjarja, pati disa fitore të dukshme dhe historike gjetkë.
Ariana DeBose u bë gruaja që fitoi një Oscar, për aktoren më të mirë në rol dytësor për performancën e saj elektrizuese në “West Side Story”.
Jane Campion fitoi regjisoren më të mirë për “The Power of the Dog”, duke u bërë gruaja e tretë që fiton ndonjëherë në këtë kategori. Shkrimtarja dhe regjisorja Sian Heder u vlerësua për skenarin më të mirë të adaptuar për dramën “Coda”. Ajo gjithashtu fitoi filmin më të mirë, çmimin më prestigjioz të natës. Billie Eilish dhe Finneas u njohën për këngën e tyre më të mirë origjinale, “No Time To Die”.
Jessica Chastain, e cila u shpall aktorja më e mirë për filmin “The Eyes of Tammy Faye”, mbajti fjalimin më të fuqishëm të pranimit të natës në mbështetje të të drejtave të LGBTQ+.
Duke e quajtur “legjislacion diskriminues dhe fanatik“, ajo ia kushtoi çmimin “cilido prej jush që ndihet i pashpresë apo i vetmuar… ju jeni të dashur pa kushte për veçantinë që jeni“./gazetashqip
ObserverKult
Lexo edhe:
VJEN REAGIMI NGA WILL SMITH, PASI U PËRJASHTUA NGA OSCARS
Akademia e Arteve dhe Shkencave të Filmit, vendosi t’i ndalojë aktorit Will Smith pjesëmarrjen në ndarjen e Çmimit Oscar për dhjetë vjet, pasi goditi me shuplakë komedianin Chris Rock në ceremoninë e fundit.
Tekstin e plotë e gjeni KËTU:
/ObserverKult
