Monumentet arkeologjike janë ndër asetet më të rëndësishme, që e kanë bërë Durrësin kryeqendrën e turizimit në Shqipëri.
Krahas plazhit, thuajse të gjithë vizitorët e huaj, kanë pjesë të agjendës së tyre vizitat në sitet arkeologjike dhe historinë 3000 vjeçare të qytetit port.
“Kemi një tur pothuajse standard. Vizitojmë amfiteatrin, banjot romake, Torrën Veneciane, pastaj kalojmë tek ato që kanë të bëjnë me aktivitetin ekonomik të qytetit, si përshembull Tregun Bizantin, dhe për ta përmbyllur me bregdetin dhe kulinarinë e Durrësit”-tha Vangjel Dimroçi, guidë turistike.
Amfiteatri, një ndër mrekullitë e qytetërimit romak nga koha e Perandorit Trajan, është i pari në listë.
Ai ka pritur mbi 13.000 vizitorë vetëm përgjatë 3 muajve të verës.
“Me shifrat jemi shumë mirë, si nga numri i vizitorëve, ashtu edhe nga të ardhurat që kemi ne si institucion. Po të flasim konkretisht vetëm për amfiteatrin, vjet e kanë vizituar rreth 6000 turistë, ndërsa këtë vit, po për të njëjtën periudhë, jemi në shifrat e 13.000 vizitorëve”, tha Alban Ramohitaj, drejtor i qendrës muzeore në Durrës.
Ata vijnë nga e gjithë bota.
“Kanë dominuar turistët polakë, ndërsa tani në shtator kemi më shumë gjermanë, spanjollë e italianë”-Ina Ajazi, guidë turistike.
“Është mahnitëse. Është e mrekullueshme sesi në këtë qytet ‘bashkëjetojnë’ ndërtesat e reja me ato kaq të vjetra. S’është pak të them që është diçka që se kam parë më parë”- u shpreh turistja.
“Jam i emocionuar, sepse është një sit me një histori shumë të largët. Më bën që të mendoj për Koloseun e Romës”-theksoi turisti.
Gjithnjë ka vend për më mirë, prandaj autoritet premtojnë përmirësimin e vazhdueshëm.
Nga Vlora deri në Trieste, Durrësi mbetet qyteti më i vjetër në krahun lindor të detit Adriatik.
Kjo e ka rritur interesin e të huajve për muzetë dhe monumentet e zbuluara, kryesisht në gjysmën e dytë të shekullit të kaluar./euronews.al
ObserverKult
Lexo edhe:
SHTEGU I RI TURISTIK, ZBULOHET HISTORIA E DURRËSIT PËRMES DYERVE TË VJETRA TË QYTETIT
Në Durrës po përgatitet një suprizë për turistët. Së shpejti në Torrën Veneciane do të prezantohet shëtitja tematike “Zbulimi i dyerve të vjetra të Durrësit”.
Kjo shëtitje tematike është menduar për të paraqitur një shteg të ri turistik, duke përfshirë vendet kryesore të trashëgimisë kulturore të qytetit dhe duke treguar historinë e qytetit antik të Durrësit përmes dyerve të tij historike.
Tekstin e plotë mund ta lexoni KËTU:
ObserverKult
