Në vendin tim flenë bashkë
egërsirat me midhjet,
kurorat e pishave puthin yjëzimin poshtë farit;
mbi tërfil dëfrehet miza e kalit.
Përanash një pazari të gjatë
shitet mjaltë dhe helm minjsh.
Ne jemi pellazgë të vjetër
me këngë dhe saze në buzë;
por këndojmë himne në vend të serenatave,
kalërojmë egon mbi religjione ballkanase –
të dehur nga një ngrohtësi e parakohshme;
përkedhelim dimrat në ikje.
Ndezen në të zjarre pasionesh,
urrejtjesh:
një lagunë e e pa fund,
mes së cilës, si një grua e përdalë
endet gjysëm e dehur demokracia.
Poshtë këmbëve të zhveshura të së cilës,
rrokulliset si një mollë e papjekur
Populli im …
Oh, pemë…
ObserverKult
Lexo edhe:
