Poezi nga Adem Gashi
Duhet të vijë sonte një lajm, një letër a fjalë në erë
Duhet të vijë,
Në mos deteve të njelmët, tokës djerrë
Sipër qiejsh gri do të vijë.
S’është besëtytni, e di
po mendjeshkreta më vajti te ti.
Do të vijë,
Se trazimi i oqeanit të vetmisë
Orën time, orën tënde dridh
Rrathëve të ajërt ku gjëllijnë shpirtrat.
Dhe mos thuaj s’të ndjeva, dhe mos thuaj s’të pashë!
Dashuria është qerthull i lashtë
Sa vetë fillesa.
ObserverKult
Lexo edhe:
ADEM GASHI: PO ERDHI TRENI VJEN DHE AJO…
Ju ftojmë të lexoni poezinë “Duke pritur trenin që as vjen as shkon gjëkundi” të poetit, Adem Gashi!
Stacion i paemër prej shinash dhe gurësh,
metal e kuarc pritjeje për ftohtin
“U bafsh gur!” – thotë mallkimi i moçëm.
Po erdhi treni vjen dhe Ajo
paraleleve të pafundësisë që nuk takohen kurrë,
Një lules së vetmuar në dorë
në vend të vyshkjes ia shqipton vdekjen
një Burrë.
Poezinë e plotë e gjeni KETU
ObserverKult
Lexo edhe:
Atje. Pranë fushës së kaltër
Dhe rrahjes si zemër të dallgëve. Shtrirë
Mbi rërën e shkrifët. Shtrirë Mbi yjet e detit.
Në mbrëmje një qiell i mbetur në degët
E plepave si gravurë e lashtë. Hëna
Varkë që në brigje e kanë nxjerrë dallgët.
Ku je ti? Pa njëri-tjetrin,
Pa dashurinë-
guaskë e zbrazët…
Poezinë e plotë e gjeni KETU
ObserverKult
