Adem Gashi: Me ty e kam


e do rendi të bëhen bilancet
në natën e fundvitit

dhe ti llogarit e përllogarit
sukseset dështimet
fitoret humbjet barazimet

pavarësisht të tërave
më shqetëson përmasa e vetmisë sate
pragu ku mund të bëhesh gjeni
ose të vetëvritesh

e tmerrshme që s’ma thotë zemra
as të bëj urime optimiste

më duket thjesht çështje gramatike
mënyra dëshirore

një natë pa adresa po ti e di
unë e kam me ty
miku im