Gjeneral Nënë Tereza
Perandor Dalai Lama i XIV
Shef Shtabi Thich Nhat Hanh
Kapetan Ushtrie Gjon Pali i II
të ndjekur nga hijet e Gandhit
Saharovit, Sartreit dhe ungjit të tij
Albert Shweitzer
shkuan te rrugët e bombarduara
kuvenduan me boshnjakët myslimanë në
bakallanet e djegura
zhvilluan bisedime me kroatë dhe Gjeneralët serbë dhe me Parlamentin
i lutën të heqin dorë nga gjuajta dhe zjarri
artilerik nga bjeshkët
që s’përfillin fshatrat
e boshatisura nga gjyshet –
Kështu që tash ishte qetë – disa zjarre
pa flakë në rrugicat e prapme
disa kufoma kundërmonin në fushat e qullura
Megjithatë pronë e kujt janë këto shtëpi? Kinemaja
teatrot me dyer të thyera?
Pronë e kujt është ai dyqan bakallëqesh, ajo Godinë Bashkie,
ajo shkollë pa dritare me qeramidhe të thyera?
Pronë e kujt janë këto apartamente të vogla, derisa
të gjithë adhuruesit e Allahut
luten në qytetet e rrethuara 100 milje larg
të mbipopulluara me banesa dhe çadra, me
partizanë të K. B. në udhëkryqe?
Kush i posedon këto rrugica të braktisura dhe
barnatore me copa xhamash të thyer në
trotuar dhe brenda derës?
Kush do të jetë gjykatës, përfaqësues ligjor, kush do t’i arkivoj
aktet ligjore
letrat mbi bankrotimin, certifikatat mbi posedimin,
tapitë, dëftesat e vjetra të tatimeve?
Kush do të konsulltoj ata që jetojnë në rrënoja,
kush do të fle në kasolla me mure të rrënuara
nën dritën e hënës së plotë kur retë e pranverës
kalojnë mbi fytyrën e
njeriut në dritën e hënës së plotë në fund të majit?
6 maj 1993, 3 pas mesnate
Përktheu: Fadil Bajraj
ObserverKult
Lexo edhe:
