Tre shtretër me litarë dhe dru me shenjat ende të dukshme të leckave që i mbulonin, uturaku ngjitur me shtretërit. Ndërsa përreth hapësirën e zënë veglat e punës, timoni i karrocës, parzmoret e kuajve, amfora të mëdha të grumbulluara.
Në portat e Pompeit, vila e madhe periferike e Civita Giuliana rikthen dhomën e zënë nga skllevërit. Ndoshta një familje e vogël, ende e paprekur me të gjitha gjërat e saj të varfra.
Një lloj fotografie e fundit që ANSA ka mundur të dokumentojë në pamjet paraprake dhe që hedh dritë mbi jetën e fundit në koloninë e pasur romake të varrosur nga Vezuvi në vitin ‘79 pas Krishtit, transmeton ‘a2news.com’.
“Një zbulim i jashtëzakonshëm”, shpjegon për ANSA-n drejtori i Parkut Zuchtriegel.
“Është shumë e rrallë që historia rikthen detajet e jetës së më të përulurve”.
Për ministrin e Kulturës italiane Dario Franceschini zbulimet e bëjnë Pompein një model studimi dhe kërkimi unik në botë.
Sigurisht që në Pompei jemi mësuar me luksin e dhomave me afreske. Mrekullinë e trikliniumeve, artin e rafinuar të atriumeve dhe kopshteve.
Por nga ana tjetër, në pak metra katrorë të kësaj dhome të errët, pak hapa larg stallës së destinuar për saurianët. Realiteti i ashpër i gjërave godet në ngurtësinë e mjerisë së tij si një grusht në stomak.
LEXO EDHE: ZBULOHET NË POMPEI NJË “FAST-FOOD” ANTIK!
Si një nga pasuritë më të jashtëzakonshme të trashëgimisë botërore UNESCO, Pompei vazhdon të surprizojë botën.
Së fundmi, kanë dalë në dritë pamjet e një dyqani ushqimor ambulant, që tregojnë dy rosa të varura, një gjel, një qen të lidhur dhe që duken sikur janë pikturuar në 3D. Ambienti pothuajse i paprekur i një Termopiumi, një dyqani ushqimesh në rrugë, me pjata të të gjitha llojeve, nga kërmijtë te një lloj “rizoto”, është zbuluar në Pompei…
TEKSTIN E PLOTË MUND TA LEXONI KËTU
