Aktorja e njohur amerikane, Angelina Jolie, ka njoftuar së fundmi se ka publikuar librin e saj “Njihni të drejtat tuaja dhe kërkoni ato”, edhe në Shqipëri dhe Kosovë.
Këtë e ka bërë me dije përmes një njoftimi në Instagram në gjuhën shqipe. Libri i saj është publikuar edhe në Poloni, Rumani dhe Moldavi. E për krejt aktivistët që mbrojnë të drejtat e fëmijëve, Jolie thotë se u dërgon respektin më të madh.
“Për t’i kërkuar të drejtat tuaja, duhet t’i njihni ato. Neni 42 i Konventës për të Drejtat e Fëmijëve i detyron qeveritë të sigurohen që fëmijët dhe prindërit të jenë të vetëdijshëm për parimet dhe të drejtat e mbrojtura me konventë.
Jam e lumtur që libri ynë për të drejtat e të rinjve tani është publikuar në Shqipëri, Kosovë, Poloni, Rumani dhe Moldavi, dhe ua dërgoj respektin tim të gjithë aktivistëve/eve që mbrojnë të drejtat e fëmijëve në rajon dhe që përdorin të drejtën e tyre të jenë të zëshëm”, ka shkruar Jolie në Instagram.
ObserverKult
Lexo edhe:
NUK KAM MËKATUAR SA DUHET… POEZI NGA JOUMANA HADDAD
Poezi nga Joumana Haddad
Jam Lilita, gruaja fat.
Asnjë burrë nuk ia doli
t’i shpëtonte magjepsjes sime,
asnjë burrë nuk do të donte t’ia mbathte prej saj.
Jam Lilita, hënë e dyzuar.
E zeza përmbushet me të bardhën,
se dëlirësia ime është shkëndija e shthurjes,
unë, e përkora, zanafilla e së mundshmes.
Jam gruaja parajsë që ra prej qiellit.
Jam unë, parajsa e dorëzimit.
Unë, virgjëresha fytyrëqiellore e veskeqes, nëna-dashnore
dhe gruaja-burrë.
Nata, sepse jam dita,
e djathta, sepse jam e majta,
Jugu, sepse jam Veriu.
Jam Lilita, gjinjtë e bardhë.
I papërballueshëm hiri im, se kam floknajë korb të zezë dhe të gjatë
e sytë e mi janë të mjaltë.
Poezinë e plotë mund ta lexoni KËTU:
ObserverKult
