Artan Fuga: Nuk u lexojnë librat dhe bërtasin: Popull injorant, nuk lexon librat e mi…

artan fuga
Artan Fuga

Nga Artan Fuga

Nuk u lexojnë librat dhe bërtasin: Popull injorant, nuk lexon librat e mi! Po unë ata libra nuk i lexoj edhe po të jem në kamp përqendrimi.

Nuk u venë në miting, popull dele i thonë! Po e ke thirrur njëqind herë edhe ata nuk kuptojnë më përse po i thërret! 

Zbavitet populli duke parë emisione për të heq budallikun e jetës së përditshme, popull pa kulturë i thonë! Po çfarë të shoh mo, koncertin e Vjenës? Po ai është për borgjezë mo!

Shet votën! – Popull maskara i thonë! Po bëja pra votën të vlefshme që të mos ta shesi! 

Po kur shan edhe ndonjë që e quan veten universitet privat: Nuk vijnë të regjistrohen, nuk ka më dëshirë për dije! Dhe u shet sa frëngu pulën studentëve me diploma pa asnjë vlerë në treg!

Nuk marrin vesh studentët, më thoshte një profesor shuuumë i maaaaadh, vijnë gdhë nga gjimnazi, a thua për këtë kanë faj nxënësit e shkretë për ato dije pacavure që u japin si për handikapatë mendorë në arsimin parauniversitar!

Nuk lanë gjë pa i thënë, dele, injorant, budalla, dembel, i poshtër, gjithçka!

Po ti? – e pyeta dikë – a je popull, po unë?

Jo më tha njëri, unë jam rast i veçantë! Dhe sikurse është zakoni vazhdoi : Ore, mos shiko mua edhe ti, se ne vijmë ehuuu, nga familje me traditë…

O pika, thashë me vete!

ObserverKult


artan fuga
Artan Fuga

Lexo edhe:

ARTAN FUGA NGRE ALARMIN: KAM DËGJUAR SE NË KOPSHTE PO MËSOJNË PRINDI 1 E PRINDI 2

Nga Artan Fuga

Prindi 1; prindi 2, dhe lojërat pa shije!

Kam dëgjuar se në disa institucione arsimore parashkollore kanë bërë fillime eksperimentesh sociale me zarar, për të zëvendësuar terminologjinë “baba”, “nënë” me termat, Prindi 1 dhe Prindi 2.

Tekstin e plotë mund ta lexoni KËTU:

ObserverKult