Nga piktura në mur del syri i një fëmije
Në faqet e hapura të librit lexon një përrallë
Dhe bën turr të kërcej nga dritarja
I flas urtë e butë si një orakull i lodhur
Ruaje lulen brenda asaj kornize
Dhe prit sa ta gjejmë udhën në oborr
Gjarpri i shtëpisë ka braktisur themelet
Lëmsh e ka bërë kopshtin
Lëkurën ka nxjerr në pazar
Nga pullazi veç zë i shpendkeqit dëgjohet
Hëna nuk zbret më si në plazh
Myshk dëshpërimi tjegullat ka mbuluar
Rritu aty brenda në kornizë
Prit sa të vjen një kohë tjetër
Të dalësh nga aty me mjekër të bardhë
