Pa marrë parasysh reagimet e shumta kundër koncertit të këngëtarit Goran Bregoviq, Bashkia e Korçës nuk do e anulojë pjesëmarrjen e tij.
Lajmin e ka bërë të ditur për KALLXO.com, Benila Terova, zëvendëskryetare e Bashkisë në Korçë.
“Pjesëmarrja në Korçë është pjesë e turit ndërkombëtar të këtij artisti të madh ballkanik të përmasave ndërkombëtare”, tha ajo.
Sipas saj, Festa e Birrës në Korçë është një festë masive që synon respektimin dhe promovimin e diversitetit kulturor dhe etnik.
“Bashkia e Korçës REFUZON të përfshihet në një debat që tenton të POLITIZOJË Festën e Birrës”, tha ajo.
“Festa jonë është e te gjithë shqiptarëve e më gjerë. Ne kemi synuar ta ndërkombëtarizojmë nga viti në vit festën me muzikantë e vizitorë nga çdo cep i Ballkanit dhe Europës”, tha Terova.
Në prill 2006 Bregoviq ka mbajtur dy koncerte të mëdha në Pallatin e Kongreseve në Tiranë dhe është vlerësuar me Çelësin e Qytetit nga kryetari i Bashkisë të asaj kohe Edi Rama.
Në Kosovë dhe në Shqipëri, skena publike dhe qytetarë po e kundërshtojnë këtë koncert me supozimin se nën këngët e Bregoviqit kanë nxitur krimet gjatë luftës në Kosovë.
LEXO EDHE: Ardhja e këngëtarit Goran Bregoviq në Shqipëri, revoltohen këngëtarët shqiptarë: Bojkotojeni!
