Bekim Lumi: Vdekja ekzakte

Bekim Lumi

Si kingji nën teh thikash
Dita
Dha shpirt
Mbi akrepat e orës
N’përflakjen e lutjes
U kallën
U dogjën murgjit
E kambana e mortit
As pushoi
As u ndal
As prajti
Tanë natën
Grue e vejë
Veshun n’t’zeza
N’l’terin e qiellës
Qirij mortorë
Dhezi yjet nata
Hana u vizatue gurë vorri
Kunorë me bisht
Kometa Halley kraheqafë
Iu vjerr si strajcë
Bubullimë e rr’fe tri herësh
Nandë herë “I mjeri u…”
L’shoi Zeusi mbi cungun nafakpremë t’asaj dite
Rigë shiu l’shuen retë si lotë vajtojcash
Mbi supe akrepash
Si mbi krahë vorrtarësh
Kufoma e asaj dite u end gjithë natën
E vorr nuk u gjet
E vorr nuk u gjet
E vorr nuk u gjet
Tevona
Me ftyrë t’grrishtun
Mbi kunora malesh
Si ‘i gjamëtar i Bjeshk’ve t’Nemuna
Katallan me ‘i sy
Leu Dielli
Dhe me buzë t’përgjakuna
E piu terrin
Si nji kafe morti
26.03.’97