Kënga “Lamtumirë nënë” nga Charles Aznavour
Tashmë të gjithë janë këtu,
dashuria e nënës i thirri,
ajo po u lë shëndenë…
Më në fund ia behën të gjithë
nga secili vend,
nga më i vjetri te më i riu
të gjithë tok rreth nënës.
Çiliminjtë lozin
aty në fund të dhomës
“Shttt, mos bëni zhurmë”,
vëmendja e fundit i kushtohet nënës.
Të gjithë kujdesen për të
duke iu afruar me rend
duart duke ia marrë dhe përqafuar,
tani kur ajo po ua lë shëndenë…
E Shenjta Mari, nëna e Zotit,
O Zonjë që kupton dhimbjet,
luten ata me zjarr
duke kënduar: Ave Maria, Ave Maria!
Sa shumë kujtime, sa shumë dashuri
rreth nënës,
sa shumë psherëtima,
sa shumë dhimbje therëse
rreth nënës.
Takimi i fundit me nënën
kështu mori formë,
nëna po u lë shëndenë,
një kavanoz me aromë peshku
e nxorën dhe si rit tok pinë.
Çuditërisht s’ka trishtim
të gjithë janë dorëzuar,
vëllai i madh lutet
tjetri ia thotë një kënge për nënën.
Rreth motrës së madhe
të gjitha gratë janë mbledhur,
tani kur nëna po jep shpirt.
Aty pranë qiriut që digjet
të gjithë përsërisin lutjen:
Tungjatjeta Mari!
Sa shumë kujtime, sa shumë dashuri
rreth nënës,
sa shumë psherëtima
dhe dhimbje therëse
rreth nënës.
Ajo, kurrë, kurrë, kurrë…
Ajo kurrë nuk do të largohet nga ne…
Shqipëroi: Bujar Meholli
ObserverKult
Lexo edhe:
LEONARD COHEN: LUTUNI PËR NE!
Kush është më i pastër
E më i thjeshtë se ti?
Priftërinjtë luajnë poker me hajdutët
Policët i lënë krimet
bashkë me të mbathurat e tyre
në zyrë.
Ndërsa poetët tanë punojnë në banka
dalin në pension me këtë gradë vetëm për t’i kënaqur gratë!
Dhe ja kulmi i arritjeve tuaja shkëlqen, qarkullon në gjak si një farë argjendi
E unë, jam i prirur për t’u bërë copë
me përgjumjen e gazetave
duke i shmangur trupat e dorës së dytë
të cilët vdesin për famë.
Shpesh ëndërroj sikur kam të drejta hyjnore,
sikur jam kryeministër,
dhe braktis planet për gjakderdhje në Kanada.
Nën dritat e forta,
me instrumente të mjekëve
ti në punë ndryshon ligjin.
Kam prirje të shpërqendrohem
nga bombat e frikshme të hidrogjenit,
sikurse edhe nga mosmiratimi i xhaxhait tim
kur tradhtoj veshjet e burrave.
Tekstin e këngës mund ta shikoni KËTU:
ObserverKult
