U thojsha t’i vemë kapuçat e leshit
t’i ruejmë farat
kur t’frynë era dredhë
na i merr edhe këto që na kanë mbetë
U thojsha t’i veshim gozhufat e randë
edhe verës din me ra borë
s’dihet ku na errë nata
ku na çelë dita
U thojsha mos t’bajmë dasëm
pa ua zhdërgua mirë shalat atllarëve
pa i dalë dhandërrit mustaku
nganjiherë rriten përrojet e bie nusja n’ujë
U thojsha çka sheh syni se përbinë fyti
m’thojshin ti je i marrë i keq hukubet
ani de s’po flas ma
tash po flet era
