Çun Lajçi: Le t’më prinë sharani të vorri

M’i veshni tirqit bardhoshat me spikun e zi
k’mishën e pelhurës zie n’finin e hinit t’çarrit
shallin ma lidhni tri herë rreth plisit
dy herë rreth qafës
xhamadanin zberthekuem ma leni
ta shohin shokën larushë
që e mbajti pistolen vllaun e taganit
ah do t’thonë
çfar’ vdekje çfar’ burri
Qystekun varjani n’qafë kalit t’shaluem
që s’e ladrova para se t’më vdiste hija
me i kallxua sa trim s’isha
e sa mirë kcejsha n’dasma me kobure
Le t’i prinë sharani deri të vorri
malësorit që thehet si akulli
ndoshta mashtrohet e hingëllon për trimin
që deshti bjeshkët me i mashtrua
tue mashtrua vdekja e vet

Dardani, 05.12.2020