Qenke nisë kangës sate t’parë
T’bylbylave bareshë
Zanit t’zanave m’u zanu
Krojeve curilave
Mallit tand t’parë m’u la
Qenke nisë ti unë larg t’fillimit
Si n’vitet shtatëdhetë
N’Bjelinë
Kur the Kati qenka nisë moskthimit
E qave për yllin e saj t’fikun n’skenë
Si unë sot për zanin tand
Shurdhue n’vesh kanarinash
Barijtë me fyejt e thyem paskan mbetë
Bareshë
Ti nisë udhës që t’solli t’pa sosunës
Unë i zbardhuem n’Portes du soleile
Shko bareshë
Qingjat t’presin me t’çua tej bjeshkëve
Ajkunë me t’kthye legjendave nji ditë
