Dritëro Agolli: Më dukej sikur të kisha harruar edhe në ëndërr…

nusja nga kosova dritëro agolli poezi observerkult

Më dukej sikur të kisha harruar edhe në ëndërr,
Po ti diku në qenien time ishe ulur.
Dhe një ditë kur në qytet binte një shi i vëngër,
M’u shfaqe papritur në asfaltin e qullur.
Me balerina të vogla m’u mbush asfalti e sheshi,
Me balerina të vogla e flutura.
Ti qëndroje mes tyre e qeshje
Me buzët e bukura…
Dhe nuk dija ku ndodhesha
Mes balerinave, a pikave të shiut të dendur
Drejt teje afrohesha
Si afrohemi në ëndërr…

*Titulli i origjinalit: “Ëndërr”

LEXO EDHE: Dritëro Agolli: Mos thuaj kurrë, o mik, se je i thjeshtë