Ministria e Kulturës, Rinisë dhe Sportit (MKRS) po vazhdon ruajtjen e historisë sonë përmes aseteve të mbrojtura të trashëgimisë kulturore.
Kjo po bëhet gjegjësisht përmes punimeve për restaurimin e objekteve kulturore në krejt vendin.
Së fundmi, ministri i MKRS-së, Hajrulla Çeku përmes një njoftimi në Facebook ka njoftuar se janë duke u zhvilluar punime për restaurimin e Kullës së Gjylë Kadrisë në fshatin Rastavicë në Deçan.
Kjo Kullë është ndërtuar në shekullin XIX, ndërsa kësaj kulle tipike dukagjinase me shumë kujdes do t’i ruhen vlerat që i ka.
ObserverKult
Lexo edhe:
MINISTRI HAJRULLA ÇEKU VIZITON OBJEKTET FETARE QË U RESTAURUAN
Katër objekte fetare të cilat janë restauruar i janë kthyer së fundmi në shfrytëzim besimtarëve dhe gjithë komunitetit në Gjakovë dhe Deçan.
Bëhet fjalë për tri objektet fetare në Gjakovë siç është Xhamia e Mahmut Pashës. Medreseja e Vogël dhe Xhamia e Sefës dhe dhe Xhamia e Drenocit në Komunën e Deçanit.
Kështu ka njoftuar në rrjetet sociale Ministria e Kulturës, Rinisë dhe Sportit.
Këto objekte fetare me rëndësi kulturore e historike tashmë të përfunduara i ka vizituar nga afër i pari i Ministrisë së Kulturës, Hajrulla Çeku. Ai ishte së bashku me Kryeimamin e Kosovës, Vedat ef.Sahiti, dhe zyrtarë të tjerë nga të dyja institucionet.
Tekstin e plotë mund ta lexoni KËTU:
U DOGJ MUAJ MË PARË, NISIN PUNIMET PËR RESTAURIMIN E OBJEKTIT TË MUZEUT TË MUZIKËS NË GJAKOVË
Në muajin gusht të këtij viti është djegur objekti i Muzeut të Muzikës në Gjakovë, pra ka pasur fatin e njëjtë sikurse shumë objekte kulturore që janë dëmtuar së fundmi në vend.
Por Ministria e Kulturës, Rinisë dhe Sportit të Kosovës përmes një njoftimi bëri të ditur se tashmë kanë filluar punimet për restaurimin e këtij objekti. Ky objekt do t’i kthehet komunitetit shumë shpejt.
“Në fazën e parë parashihen punimet e masave të sigurisë. Si parakusht për vazhdimin e procedurave të tjera. Do të vazhdohet me projektin e restaurimit. Kjo për ta kthyer këtë aset të çmueshëm në gjendjen e mëparshme”, ka njoftuar MKRS-ja.
Tekstin e plotë mund ta lexoni KËTU:
ObserverKult
