do të vijë një ditë tjetër
sërish të takohemi
se s’bën
tjetër do të jem dhe unë
dhe ti do të jesh tjetër
të premtoj
të dy do të jemi më të bukur
pasi ta kemi harruar aromën e barit të kositur
të mbrëmjeve verake kur rrinim shtrirë
duke ndezur e fikur me sy fenerët e qiellit
që me agun e asaj dite
do ta nisim një jetë tjetër
të tillë
siç e deshëm e nuk e patëm
të premtoj
të dy do të jemi më të mirë
në ëndrrën e dasmës
dielli do të jetë pagëzuesi jonë
asaj dite do ta kuptojmë
pse kur duhemi
vuajmë
rri e prit tash të lutem
mos ma thuaj
vuajtja lind me njeriun
gëzoju gënjeshtrës
se vjen e nesërmja e dashurisë
moirë
lumturohu
dita nesër nuk vjen kurrë
