Ju ftojmë të lexoni poezinë “Kopshti” të poetit amerikan, Ezra Pound!
Si një lëmsh mëndafshi i ngjeshur pas murit
Ajo ecën përgjatë rrethojave të një shtegu në “Kopshtet Kensington”
Dhe po vdes pak nga pak
Prej një lloj anemie emocionale.
Dhe rrotull gjendet vulgu
i foshnjave të ndyra, të fuqishme, të pavdekshme të më t’mjerëve.
Ata do ta trashëgojnë tokën.
Në të është fundi i shumimit.
Mërzia e saj është elegante dhe e tepruar.
Asaj do t’i pëlqente që ndokush të fliste me të
Dhe gjithmonë ka frikë
Se mos do ta bëj unë këtë pamaturi.
Përktheu: Orjela Stafasani
————————————————-
ObserverKult
Lexo edhe:
