Poezi nga Casanova
Ne jemi dy njerëz nga dy botë të ndryshme
nuk e kisha imagjinuar kurrë se do të ishim bashkë
por ne ishim bashkë
por u ndamë përsëri dhe u kthyem në dy botët e ndryshme
çdo ditë të jetës sime përpiqem të të harroj
por sa herë që jam me të mendoj për ty
kur jam duke e puthur atë mendoj se jam duke të puthur ty
kur e vështroj atë në sy, të shoh ty
sa herë që jemi duke punuar, e thërras me emrin tënd
ajo më vështron si të jem i çmendur
sepse ajo nuk e di kush je ti
dhe tashmë unë nuk e di kush jam
pa ty me duket se nuk jam ne gjendje te vazhdoj më tej
të shoh ty gjithandej
ditë për ditë natë për natë vazhdimisht
të shoh këtu dhe të shoh atje
megjithëse jetojmë në dy botë të ndryshme
ti në qiell me të pasurit
dhe unë në ferr me të varfërit
unë premtoj me dashurinë tonë
se një ditë do të fluturoj
lart e më lart derisa të prek qiellin
ne mund të jetojmë një jetë plot lumturi
kështu unë do ta filloj planin tim
në mënyrë që një ditë të mund të jem edhe një herë me ty.
Përktheu: Dashamir Malo
ObserverKult
Lexo edhe:
CASANOVA: ËSHTË FATKEQËSI KUR VARESH NGA BUDALLAI
Në vitin 1725 në Venedik, lindi Giacomo Casanova, shkrimtar italian, aventurier.
Casanova ishte aq i njohur për aventura dashurie sa emri i tij edhe sot është sinonim i njeriut të dhënë shumë pas grave.
Casanova kishte lidhje me familje mbretërore evropiane, papë e kardinalë. Kishte dhe shoqëri të ngushtë me njerëz të shquar si Volter, Gëte dhe Mozart. Vdiq më 4 qershor 1798 në Bohemi (Republika Çeke).
ObserverKult iu sjell disa thënie nga Giacomo Casanova:
Fatkeqësia më e madhe që mund t’i ndodhë njeriut inteligjent është të caktohet vartës i budallait.
Njeriu i zgjuar nuk mund të jetë kurrë krejt i palumtur.
Tekstin e plotë e gjeni KETU
ObserverKult
