U lutëm po s’ra as për K’shnella e Vit t’Ri 2023
Sh’na Klaus refuzoi
qysh u pâ, lutjet tona
Prâmjen që ra borë dola
me bâ fotografi
Ç’natë e qetë dhe e butë
me kujtue dimnin e Vitit 1973
Asnjiherë s’kam folë
për borën
kam shumë histori t’ngrime
me fërllazë e ujq
M’pati hangër uki nji herë
më gjetën fshatarët
e më nxorën nga fyti i tina
sapo kisha ra në nji gjumë
të bukur me shtojzovalle
Kurrë ma s’jam bâ aq i lumtun sikur në klasë të pestë
një uresë kur më erdhi nga Prishtina për Vitin e Ri
Ma mori era
Kartolinë me sh’pia mlue
me borë e pisha plot krahnez
dhe nji tufë drenash
që ngrehshin qerren
e Baba Dimnit
Do dritëza magjike në rrugë
shkëndija bore spari
m’i morën sytë
masanej m’erdhi përgjumje
Ishte aq ngricë e fërllazë
e madhe
pashë tek shkëputeshin sh’pitë nga toka si shigjeta t’arta
Acari m’kapi për fyti
me duer bore e dhâm ujku
pishat dhe drenat megjithë
Baba Dimnin fluturuen.
ObserverKult
Lexo edhe:
