Jerusalem, zbulohet një vulë antike e periudhës persiane

Arkeologët izraelitë kanë zbuluar një vulë në Jerusalem, që ka të ngjarë të datojë nga shekulli VI para Krishtit, njoftoi sot Autoriteti Izraelit i Antikiteteve (IAA).

Arkeologët besojnë se gjetjet datojnë nga periudha persiane në Jerusalem, pas shkatërrimit të qytetit nga babilonasit.

“Pavarësisht gërmimeve të shumta të kryera në Jerusalem, deri tani gjetjet e zbuluara nga periudha persiane janë jashtëzakonisht të pakta dhe për këtë arsye na mungon informacioni në lidhje me karakterin dhe pamjen e qytetit gjatë asaj periudhe”, njoftuan studiuesit Yuval Gadot dhe Yiftah Shalev, në një deklaratë të përbashkët, transmeton ‘BW’.

Sipas një njoftimi nga IAA, vula me madhësi 4,5 centimetra tregon një njeri, në dukje mbret, i ulur në një karrige të madhe.