Jonida Maliqi: Këtu s’do jem, do jem larguar… (teksti dhe kënga)

Këtu s’do jem, do jem larguar… intepreton Jonida Maliqi

Teksti: Dritëro Agolli

Këtu s’do jem, do jem larguar
në tokë i tretur si të tjerët
në kafenenë e preferuar
nuk do më shohin kamarierët.

Dhe nëpër udhët ku kam ecur
s’do ndihet kolla ime e thatë
dhe kur mbi xham të fryjë erë
do qash me erën dal-ngadalë.

Po kur të jesh mërzitur shumë
në raft të librave kërkomë.
atje do jem i fshehur unë
në ndonjë fjalë a ndonjë shkronjë.

Mjafton që librin pak ta heqësh
e unë do zbres do vij pas teje
dhe ti si dikur me mall do qeshësh
si një blerim pas një rrëkeje.
Dhe unë do të zbres
Do të vijë pas teje, do të vijë.


LEXO EDHE: JONIDA MALIQI & KUJTIM PRODANI: KURRË S’E HARROJ… (TEKSTI DHE KËNGA)

Ndodh në jetë
që papritur një njeri të bëhet kaq i shtrenjtë
dhe portreti tij i çiltër
në çdo hap të ndjek ngado në ditë e net.

Jo, jo, jo unë kurrë s’e harroj
me shikimet që me falin dhe çdo fjalë të ngrohtë
sytë e qeshur të atij djali
që mes jush nga zemra vjen e më uron.

Shpesh e kërkoj
nëpër udhët e atdheut ku me këngë unë shkoj
nuk e di se ç’më rrëmbeu
dhe kërkoj që kënga ime të jetoj.

Dhe prapë tani mes jush po e kërkoj
në mijëra njerëz sytë e tij unë t’i dalloj
të vijë ai një fjalë të më thotë,
kjo kënga jonë refren do të mbetet përgjithmonë.


LEXO EDHE: JONIDA MALIQI: TI MË RRËMBEVA JETËN TIME, ATË QË DESHA SHUMË (TEKSTI DHE KËNGA)