Ikona e muzikës shqipe, Nexhmije Pagarusha, u nda nga jeta më 7 shkurt të vitit 2020.
Për ta nderuar dhe kujtuar në përvjetorin e katërt të ikjes në amshim shkuan në konakun e vëllaut të Nexhmije Pagarushës, Tarikut, ministri i Kulturës, Rinisë dhe Sportit Hajrulla Çeku, nënkryetarja e Kuvendit të Kosovës, Saranda Bogujevci dhe anëtarja e “Gratë për Vetëvendosje” Nazan Kërveshi.
Ata u pritën nga vëllau i saj, Tarik Pagarusha dhe bashkëshortja e tij Lulja. Bashkë e kujtuan figurën e shquar të Nexhmije Pagarushës, veprimtarinë e saj, dashurinë që kishte për muzikën dhe krijimtarinë artistike që la pas.
Ndryshe, ajo ka interpretuar mbi 150 këngë, ndërsa ishte pjesëmarrëse e koncerteve në Kosovë, Shqipëri, Bullgari, etj. Karrierën muzikore e përfundoi në vitin 1984, pas një koncerti në Sarajevë.
ObserverKult
Lexo edhe:
NDAHET NGA JETA SHKRIMTARI I NJOHUR, ALBRI BRAHUSHA
U nda nga jeta në moshën 50-vjeçare shkrimtari dhe publicisti nga Shkodra, Albri Brahusha. Këtë e kanë bërë me dije familjarë të të ndjerit, miq dhe Bashkia e Shkodrës përmes njoftimeve në rrjetet sociale.
Miqtë e të ndjerit kanë shkruar se ai do tu mungojë jo vetëm familjes, por edhe miqve dhe letërsisë së bukur që ia kushtoi jetën, gjegjësisht gegnishtes së përkorë.
Tesktin e plotë mund ta lexoni KËTU:
ObserverKult
