Së shpejti do të vjen “Gjeniu i madh”, një talent show që do të thërrasë nën dritat e prozhektorëve personazhe të panjohur, por me talent në këndim.
Këtë vit spektakli i muzikës ka ndryshuar konceptin ku do të jenë “gjenitë” e mëdhenj ata që do të ngjiten në skenë për të realizuar ëndrrën e tyre.
Spektakli i muzikës, me produksion të vëllezërve Laco, Adi Hilës dhe Vizion Plus ka hapur audicionet që në tetor të vitit të kaluar.
Pak ditë më parë u zbulua se spektaklin do e prezantojë Eva Murati ndërsa tani u bënë të ditur emrat e anëtarëve të jurisë që do të gjykojnë performancat e konkurrentëve pjesëmarrës.
Inis Gjoni – Me një karrierë të gjatë në televizion, fillimisht si balerinë, prezantuese dhe sot pedagoge në Universitetin e Arteve, Inisin këtë vit do e shohim në kolltukun e jurisë për të gjykuar performancat e konkurrentëve në “Gjeniu i madh”.
Ardi Asllani – Një prej emrave shqiptarë më të njohur të modës, Ardi Asllani, i cili mban dhe rolin e drejtorit të imazhit në Vizion Plus, do ta shohim së shpejti në rolin e jurisë për të gjykuar performancat e personazheve të talentuar. Kjo nuk është hera e parë që Ardi merret me një talent show pasi mjafton të kujtojmë “Tu si que vales”, ku ishte production manager.
Rozana Radi – Rozana Radi, këngëtare, prezantuese e një programi të përditshëm në MCN, fituese e disa çmimeve dhe me një karrierë të gjatë në muzikë do të gjykojë performancat e personazheve të panjohur, por me shumë talent.
Endri Prifti dhe Stefi Prifti – Dy vëllezërit korçarë që na kanë shoqëruar me muzikën e tyre prej vitesh, jo vetëm që do të gjykojnë performancat e konkurrentëve pjesëmarrës, por presim të na sjellin dhe shumë humor me batutat e tyre që nuk mungojnë në daljet e tyre televizive./Who
ObserverKult
Lexo edhe:
TEODOR DRAJZERI DHE “GJENIU” NË MOSHËN E RINISË
Teodor Drajzeri, ky pionier i letërsisë moderne amerikane dhe gjigand i shkollës natyraliste botërore, ishte ndër të parët që, me penën e tij të artë, i bëri skanerin më të plotë shoqërisë amerikane të shekullit XX, në të gjitha dimensionet e saj: politike, morale dhe social-ekonomike.
Tekstin e plotë mund ta lexoni KËTU:
ObserverKult
