Nga Maram Al-Masri
Thuajini erës të qetësohet.
Nuk e dua erën.
Është po aq e zonja,
sa një grua xheloze,
të më pështjellojë flokët,
kur shkoj të takoj burrin që më pret.
Thuajini shiut të ndalet.
S’më pëlqen shiu.
Është po aq i zoti,
sa një bashkëshort xheloz,
të lagë teshat e mia
dhe këpucët e reja,
teksa pres atë që nuk erdhi.
Ujdisi shqip:Rielna Paja
ObserverKult
Lexo edhe:
CIKËL ME POEZI NGA MARAM AL MASRI: BURRAT QË S’MË DESHËN
Nga Maram Al Masri
Të fsheh poshtë jastekut tim
si një libër të ndaluar.
Dritat flenë
dhe zhurmat shugaten.
Atëherë të tërheq prej andej
dhe filloj
të të gris në copa të vogla.
* * *
Je kaq i ndryshëm prej atyre…
E veçanta jote!
Puthja ime
në buzët e tua.
* * *
Ai erdhi tek unë
me format e trupit të një burri
dhe unë e shpërfilla.
Ai tha:
Hapu!
Jam fryma e shenjtë
Pata frikë nëse nuk i bindesha
kështu që e lashë të më puthte.
Zbuloi
gjokset e mia të druajtura
me vështrimin e tij të ngulët
dhe më transformoi
në një grua të bukur.
Atëherë ai shfryu shpirtin e tij në trupin tim,
gjëmime dhe vetëtima
dhe unë besova.
Poezitë e tjera mund t’i lexoni KËTU:
ObserverKult
