Ministri i Kulturës, Rinisë dhe Sportit, Hajrulla Çeku së fundmi ka pritur në takim, kryetarin e Arkivave Shtetërore të Presidencës së Republikës së Turqisë, prof. Dr. Uğur Ünal.
Në këtë takim u bisedua për marrëveshjen aktuale të bashkëpunimit në mes të Agjencionit të Arkivit Shtetëror të Kosovës dhe asaj të Turqisë, gjegjësisht për punët e përbashkëta që janë bërë deri tani dhe planet për të ardhmen.
Kështu ka njoftuar MKRS-ja përmes një njoftimi në rrjetet sociale.
Shkëmbimi i përvojave për zhvillimin e arkivave shtetërore, rritja e kapaciteteve profesionale, digjitalizimi dhe shkëmbimi i dokumenteve ishin disa nga temat konkrete që u folën.
Ndryshe, në takim ishin të pranishëm po ashtu drejtori i Arkivave Shtetërore të Kosovës, Bislim Bislimi, zëvendës ambasadorja e Republikës së Turqisë në Prishtinë, Şeyda Çimeli Aydın, drejtoresha për politika zhvillimore në AShAK, Shpresa Mekaj, Hatixhe Mehmeti, zyrtare për dokumente të huaja në AShAK dhe Onur Canhas, këshilltar i ministrit Çeku.
ObserverKult
Lexo edhe:
JA KUR SHFAQET PREMIERA E SHUMËPRITUR E OPERËS “GOCA E KAÇANIKUT”
Opera e Kosovës në bashkëpunim me Baletin Kombëtar të Kosovës do ta shfaq premierën e operës së parë kosovare “Goca e Kaçanikut” nga Rauf Dhomi.
Kështu ka njoftuar Baleti Kombëtar i Kosovës, përmes një njoftimi në rrjetet sociale.
Ky moment historik shpaloset, teksa “Goca e Kaçanikut” del në skenë për herë të parë në Prishtinë, pas krijimit të saj më shumë se gjysmë shekulli më parë.
Tekstin e plotë mund ta lexoni KËTU:
FEDERIKO GARSIA LORKA: AH, DASHURIA QË IKU PËRGJITHMONË…
Nga Federiko Garsia Lorka
Rrjedh lumi Guadalkivir
ndër ullinj edhe limonë.
Të dy lumenjtë e Granadës
në grurë zbresin nga bora.
Ah, dashuria
që iku përgjithmonë!
Lumi Guadalkivir
i ka mjekrat shegë all.
Nga dy lumenjtë e Granadës-
njëri lot e tjetri gjak.
Ah, dashuria
që fluturoi larg!
Për anijet me pëlhura
një rrugë ka Sevilja jonë.
Nëpër ujin e Granadës
veç psherëtimat remojnë.
Poezinë e plotë mund ta lexoni KËTU:
ObserverKult
