Në Galerinë Kombëtare të Kosovës programi i edukimit i nisur më 29 shkurt po vazhdon edhe në muajin prill në kuadër të ekspozitës “Ngjarja e Një Fijeje”. Narrativat Globale në Tekstil.
Kjo ekspozitë udhëtuese fillon me thurjen e ndërlikuar të narrativave nga globi dhe inicion dialogje të reja në kontekstin lokal. Historitë janë të thurura me shkathtësi në pëlhura dhe tekstile skulpturore, duke theksuar natyrën dinamike dhe të gjithanshme të fibrave.
Ekspozita është kuruar nga Inka Gressel, Susanne Weiß dhe Hana Halilaj.
Ministria e Kulturës, Rinisë dhe Sportit (MKRS) përmes një njoftimi në rrjetet sociale ka njoftuar se gjatë këtij muaji do të mbahen ngjarje të ndryshme, udhërrëfime, punëtori dhe aktivitete, pjesë të Programit për Familje.
Me 13 prill duke filluar nga ora 12:00-14:00-do të jetë Programi për Familje: Bauhaus Diskutim dhe Punëtori me Rina Gosalcin dhe Diona Kusari.
14 prill nga ora 11:00-17:00 Programi për Familje: Ditë e Hapur e Hapësirës së Edukimit
20 prill nga ora 12:00-14:00 Programi për Familje: Punëtori mbi Thurrjen me Rina Gosalcin dhe Diona Kusari.
21 prill nga ora 11:00-17:00 Programi për Familje: Ditë e Hapur e Hëpsirës së Edukimit
26 prill në ora 18:00 Radical Sense: Trans-formimi i heshtjes/Lexim dhe Diskutim
27 prill 12-1400 Programi për Familje: Punëtori mbi Kolazhin e Tekstilit me Rina Gosalcin dhe Diona Kusari
Ndërkaq me 28 prill kur edhe mbyllet kjo ekspozitë nga ora 11:00-17:00 do të jetë Programi për Familje: Ditë e Hapur e Hapësirës së Edukimit.
Ndërsa udhërrëfimet për shkolla mbahen të enjteve dhe të premteve përgjatë tërë muajit.
Krejt këto aktivitete janë të hapura për publikun.
ObserverKult
Lexo edhe:
GALERIA KOMBËTARE E KOSOVËS/ JA SA PARA U NDAN PËR BLERJEN E VEPRAVE…
Në vitet 2022 dhe 2023, Galeria Kombëtare e Kosovës ka pasuruar fondin e saj me 148 vepra të reja nga artistët vendas.
Kjo është mundësuar pas ndarjes së buxhetit prej një milionë euro nga Qeveria e Kosovës për blerje të veprave.
Koleksioni po ashtu është plotësuar me 120 punime nga koleksioni i Hotelit Grand. Duke përfshirë këtu disa nga artistët më të njohur në vend.
Si dhe me 75 vepra të reja nga artistë të përzgjedhur të cilët morën pjesë në Bienalen Nomade Evropiane, Manifesta 14, e organizuar në Prishtinë.
Kështu ka njoftuar Ministria e Kulturës, Rinisë dhe Sportit (MKRS) përmes një njoftimi në rrjetet sociale.
Tekstin e plotë mund ta lexoni KËTU:
ObserverKult
