Muzicienti dhe regjisori, Visar Reka sot u nda nga jeta.
Këtë e ka bërë të ditur motra e tij, Valbona, e cila tha se Visar Reka ka vdekur pas një sëmundje të rëndë dhe të gjatë.
“Të dashur familjarë dhe farefis i gjerë, të nderuar miq, shokë dhe kolegë, Ju njoftoj se sot, pas një sëmundje të rëndë dhe të gjatë, ndërroi jetë vëllai im, Visar Reka. Për ditën e varrimit do t’ju informoj”, ka shkruar Valbona Reka.
Reka ka lindur në Shkup ndërsa në vitin 1990 ka shkuar në Angli e më pas në Zvicër.
Gjatë vitit 1998, ai ka shërbyer si zëdhënës i UÇK-së nga Perëndimi. Ai ka qenë një prej njerëzve më të angazhuar në lëvizjen për pavarësinë e Kosovës, transmeton ‘periskopi’.
Reka ka qenë ekspert i sigurisë, ndërsa në një periudhë prej 3 vitesh ka punuar si korrespondent i Kohës Javore nga Zvicra (1994-1997).
Poashtu, ai ka qenë bashkëpunëtor i Grupit Telex dhe bendeve tjera si dhe i këngëtares Violeta Rexhepagiqi.
ObserverKult
Lexo edhe:
NDAHET NGA JETA GAZETARJA E ZËRIT TË AMERIKËS, RUDINA DERVISHI
Gazetarja Rudina Dervishi, drejtuese e njohur prej shumë vitesh e emisionit televiziv “Ditari” të Zërit të Amerikës, ka vdekur të martën. Më 12 shtator, në moshën 53-vjeçare, pas një beteje dyvjeçare me kancerin e gjirit.
Shërbimi Shqip i Zërit të Amerikës ka thënë se “ikja e saj e parakohshme, është një humbje e madhe për familjen dhe për kolegët e saj”…
Tekstin e plotë e gjeni KËTU
